ryseitiau

Nwdls dwyreniol Cig Eidion Cymru

Time 0:10 Serves2

cynhwysion

  • 2 stêcen Cig Eidion Cymru – mae syrlwyn yn ddelfrydol – wedi eu torri’n stribedi tenau
  • 15ml (1 llwy fwrdd) olew
  • 15 ml (1 llwy fwrdd) saws soi halen isel
  • 30 ml (2 lwy fwrdd) mêl gloyw
  • 2 ewin garlleg, wedi eu plicio a’u malu’n fân
  • Amrywiol lysiau dwyrieniol, e.e: 1 bwnsiad o pak choi (neu ½ bresychen werdd grensiog)
  • 2 goesyn seleri
  • 1 pupur coch
  • ¼ ciwcymbyr
  • Pecyn o nwdls gwyn canolig wedi eu coginio’n barod (neu berwch nwdls ymlaen llaw)
  • 1 leim, y sudd a’r croen wedi gratio
  • ychydig o goriander ffres wedi ei falu
  1. Torrwch y stêcs Cig Eidion Cymru yn stribedi tenau a’u rhoi mewn dysgl fach. Golchwch eich bwrdd torri a’ch cyllell neu defnyddiwch fwrdd a chyllell arall i dorri’r llysiau. Torrwch y pupur yn giwbiau neu stribedi, torrwch y pak choi a’r seleri, torrwch y ciwcymbyr yn stribedi.
  2. Twymwch eich wok (neu badell ffrio fawr) ymlaen llaw, ychwanegwch yr olew ac yna’r stribedi Cig Eidion Cymru, coginiwch y stribedi am 3 munud, gan droi bob hyn a hyn, ychwanegwch y garlleg a’r llysiau (cadwch y ciwcymbyr tan y diwedd), trowch am 3 munud arall.
  3. Ychwanegwch y saws soi, y mêl a sudd a chroen y leim – trowch.
  4. Ychwanegwch y nwdls wedi coginio, y ciwcymbyr a throwch nes bod y cyfan yn grasboeth – ychydig o funudau.
  5. Gweinwch mewn powlenni unigol ac ysgeintiwch goriander ffres drostynt. Bwytewch gyda fforc neu weill bwyta!